काठमाडौँ । घरेलु टोली नेपालले एक खेल बाँकी छँदै एनएससी–काभा महिला भलिबल च्यालेन्ज कप २०२३ को सेमिफाइनलमा स्थान बनाएको छ ।
नेपालले आज भएको आफ्नो दोस्रो खेलमा बंगलादेशमाथि ३–० को सोझो सेटमा जित निकाल्दै एक खेल अगावै सेमिफाइनलमा प्रवेश गरेको हो ।
पहिलो सेटमा २५–१० को सोझो सेटमा जित निकालेको नेपाल दोस्रो सेटमा २५–८ को सहज जित निकाल्न सफल भयो । यस्तै, तेस्रो सेटमा पनि सुरुवातदेखि नै अग्रता लिँदै नेपालले २५–९ ले आफ्नो पक्षमा नतिजा पार्दै जित निकाल्न सफल भयो ।
यता, नेपाल विजयी हुँदा भारत पनि सेमिफाइनलमा पुगेको छ । लगातार दोस्रो हारसँगै किर्गिस्तान र बंगलादेश एक खेल बाँकी छँदै समूह चरणबाट बाहिरिएका छन् ।
अब नेपाल र भारतबीचको विजेता समूह विजेता बन्नेछ । नेपालको दुई खेलबाट ६ अंक छ । भारतको पनि ६ अंक छ । किर्गिस्तान र बंगलादेशले अंकको खाता खोल्न सकेका छैनन् । किर्गिस्तान र बंगलादेशबीचको विजेता समूहमा तेस्रो हुनेछ ।
