एजेन्सी । स्पेनिस क्लब सेभिया युरोपा लिगको फाइनलमा प्रवेश गरेको छ । गएराति भएको सेमिफाइनलको दोस्रो लेगमा इटालियन क्लब युभेन्ट्सलाई घरेलु मैदानमा २–१ गोलले पराजित गर्दै समग्रमा ३–२ को नतिजासहित सेभिया फाइनलमा पुगेको हो ।
निकै प्रतिस्पर्धात्मक बनेको खेलको ६५ औं मिनेटमा डुसान भ्लाहोभिचले गोल गर्दै युभेन्ट्सले खेलमा सुरुवाती अग्रता बनाएका थिए ।
७१ औं मिनेटमा सुसोले गोल गर्दै सेभियालाई बराबरीमा ल्याए । निर्धारित समयमा १–१ को बराबरी भएपछि खेल अतिरिक्त समयमा धकेलिएको थियो । ९५ औं मिनेटमा एरिक लामेलाले गरेको गोलले नै सेभियालाई फाइनलमा पुर्यायो । खेलको ११५ औं मिनेटमा सेभियाका मार्कोस आकुनाले रातो कार्ड खान पुगे ।
सेभियाले उपाधिका लागि इटालियन क्लब एएस रोमासँग प्रतिस्पर्धा गर्नेछ । गएराति नै भएको खेलमा रोमाले लेभरकुसेनसँग गोलरहित बराबरी खेल्दै समग्रमा १–० को नतिजाले फाइनलमा स्थान बनाएको हो ।
फाइनल खेल जुन १ मा हँगेरीको पुस्कास एरिनामा हुनेछ ।
