विराटनगर । बिहान साढे ६ बजेदेखि हाइटेन्सन लाइनको पोलमा चढेका युवक तल ओर्लिएका छन् ।
मोरङ बुढीगंगाका गाउँपालिका–७ डंग्राहाका ४० वर्षीय दिनेशकुमार माझी ५ बजेतिर पोलबाट झरेका हुन् । गाउँपालिका अध्यक्ष जितनारायण थापालगायतले फकाएपछि उनी तल झरेका हुन् ।
माझीले सडकको रिटेनिङ वालको काम गुणस्तरहीन भएको भन्दै काम रोक्न माग राख्दै हाइटेन्सन लाइनको पोलमा चढेका थिए । उनले गाउँपालिका अध्यक्ष थापाबाट प्रतिबद्धताको माग गरेका थिए ।
धनकुटामा भएका थापाउक्त खबर पाएर फर्किएर फकाएपछि माझीलाई तल झारिएको हो । बुढीगंगा ७ वडा कार्यालयदेखि दक्षिण जाने सडकमा रिटेनिङ वाल निर्माणको काम भइरहेको छ । त्यही रिटेनिङ वाल रोक्नुपर्ने ती युवकको माग छ ।