काठमाडौं । नेपाली कांग्रेसले १४ औं महाधिवेशन भदौ १६ देखि १९ गतेसम्म गर्ने भएको छ । शनिबार सभापति शेरबहादुर देउवाको निवासमा बसेको पदाधिकारी बैठकले भदौ १६ देखि १९ गतेसम्म महाधिवेशन गर्ने प्रस्ताव गरेको हो।
यो प्रस्तावबारे छलफल गर्न कांग्रेसले बिहीबारका लागि केन्द्रीय समिति बैठकले प्रस्ताव अनुमोदन गर्नेछ। बैठकले कोरोना महामारीले क्रियाशील सदस्ता वितरण तथा नवीकरणका काम नसकिनुलाई समयमै महाधिवेशन गर्न कठिनाइ हुने निष्कर्ष निकालेको छ।
नियमित कार्यकाल चार वर्ष सकेर सभापति देउवाले डेढ वर्ष कार्यकाल थपेका थिए जुन भदौमा सकिँदैछ। कांग्रेसले असार २० गतेभित्र क्रियाशील बारेका बिबाद हेरेर केन्द्रीय सभापतिलाई विवरण बुझाउनुपर्ने प्रस्ताव गरेको छ।
कांग्रेसले असार पहिलो साता वडा अधिवेशन गर्ने भनेको थियो। तर क्रियाशील वितरण नै नसकिएकोले करिब एक महिना अधिवेशन धकलिएको छ। असारमा हुने भनिएको वडा अधिवेशन अब साउन ६ देखि हुनेछन्।
यस्तो छ अधिवेशन गर्ने प्रस्तावित कार्यतालिका
गाउँरनगर वडा अधिवेशन: २०७८ साउन ६ गते।
गाउँरनगरपालिका अधिवेशन: साउन ११ गते।
प्रदेश सभा क्षेत्रीय अधिवेशन: साउन १६ गते।
प्रतिनिधि सभा क्षेत्रीय अधिवेशन र एक मात्र प्रतिनिधि सभा निर्वाचन क्षेत्र भएको जिल्ला अधिवेशन: साउन २० गते।
एकभन्दा बढी प्रतिनिधि सभा निर्वाचन क्षेत्र भएको जिल्ला अधिवेशन: साउन २४ गते।
प्रदेश अधिवेशन: भदौ १ र २ गते।
केन्द्रीय महाधिवशेन: भदौ १६ देखि १९ गतेसम्म काठमाडौंमा।