काठमाडौँ । प्रतिनिधिसभामा आजदेखि प्रि–बजेट छलफल सुरु हुँदैछ । छलफलमा बजेटका सिद्धान्त र प्राथमिकतामाथि छलफल सुरु हुनेछ । त्यसका लागि आज ११ बजे संसद बैठक बोलाइएको छ ।
आजदेखि छलफल हुने र वैशाख २७ गते उठेका प्रश्नको जवाफ दिने कार्यक्रम छ । आजदेखि छलफल सुरु गरी वैशाखमै छलफल सक्ने तयारी गरिएको हो । प्रि–बजेट छलफल सकिएपछि सरकारले नीति तथा कार्यक्रम प्रस्तुत गर्छ । साथै आगामी जेठ १५ मा सरकारले आगामी आर्थिक वर्षका लागि बजेट प्रस्तुत गर्छ । प्रत्येक वर्षको जेठ १५ मा बजेट ल्याउने संवैधानिक व्यवस्था छ ।
