एजेन्सी । इन्डियन प्रिमियर लिग (आईपीएल) अन्तर्गत गुजरात टाइटन्सले लखनउलाई २२८ रनको विशाल लक्ष्य दिएको छ ।
अहमदावादस्थित नरेन्द्र मोदी स्टेडियममा टस हारेर ब्याटिङ थालेको गुजरातले २० ओभरमा २ विकेटको क्षतिमा २२७ रन जोड्यो । गुजरातका लागि शुभमन गिल ५१ बलमा ९४ रनमा अविजित रहे । उनको ब्याट्बाट २ चौका र ७ छक्का प्रहार भयो ।
यस्तै, ऋद्धिमान साहाले ४३ बलमा ८१ रन जोडे । उनले १० चौका र ४ छक्का प्रहार गरे । हार्दिक पाण्ड्याले १५ बलमा २५ रन जोडे । डेभिड मिलर १२ बलमा २१ रनमा अविजित रहे ।
बलिङतर्फ लखनउका मोहशीन खान र आभेश खानले एक–एक विकेट लिए ।
