काठमाडौं । बलिउड स्टार आमिर खान काठमाडौं आएका छन् ।
अभिनेता खान काठमाडौंको बूढानीलकण्ठस्थित विपश्यना ध्यान केन्द्रमा १० दिन ध्यानमा बस्ने उद्देश्यले नेपाल आएका हुन् ।
आइतबार बिहान १० बजे त्रिभूवन अन्तर्राष्ट्रिय विमानस्थल आइपुगेका खानलाई पूर्व अर्थ राज्यमन्त्री एवं व्यवसायी रुप ज्योतिले स्वागत गरेका थिए । रुप ज्योति हाल विपस्यना ध्यान केन्द्रका केन्द्राचार्य पनि हुन् ।
ज्योतिले अभिनेता खान ध्यानका लागि नेपाल आएको र उनको अन्य कार्यक्रम भने नरहेको जनाए ।
खान विमानस्थलबाट सोझै बूढानीलकण्ठतर्फ लागेका थिए । यसअघि सन् २०१४ मा राष्ट्रसंघीय नियोग युनिसेफको दूतको रुपमा आमिर काठमाडौं आएका थिए ।
