एजेन्सी । इन्डियन प्रिमियर लिग (आईपीएल)–१६ को ४८ औं खेलमा डिफेन्डिङ च्याम्पियन गुजरात टाइटन्सले राजस्थान रोयल्सलाई ९ विकेटले पराजित गरेको छ ।
यो जितसँगै हार्दिक पाण्ड्याको नेतृत्वमा रहेको टोलीले घरेलु मैदानमा राजस्थानसँगको हार बराबरी गरेको छ । पछिल्लो खेलमा राजस्थानले गुजरातलाई अहमदाबादमा ३ विकेटले पराजित गरेको थियो ।
चालू सिजनमा गुजरातले सातौं जित हात पारेको छ । टोलीको १४ अंक छ र गुजरात प्लेअफ प्रवेश गर्न एक जितबाट टाढा छ ।
सवाईमान सिंह रंगशालामा टस जितेर ब्याटिङ रोजेको राजस्थानको टोली १७.५ ओभरमा ११८ रनमा अलआउट भयो । गुजरातले १३.५ ओभरमा एक विकेट गुमाएर ३७ बल बाँकी रहँदै ११८ रनको लक्ष्य पुरा गर्यो ।
लगातार विकेट गुमाएपछि राजस्थानको टोलीले ठूलो स्कोर बनाउन सकेन । टोलीले सिजनको सबैभन्दा सानो स्कोर बनायो । आयोजकका लागि सञ्जु सामसन (३० रन) मात्रै केही समय टिक्न सके । गुजरातका रासिद खानले ३ विकेट लिए भने नूर अहमदले २ विकेट लिए ।
गुजरातका ओपनर ऋद्धिमान साहाले ४१, कप्तान हार्दिक पाण्डेयले ३९ र शुभमन गिलले ३६ रन बनाए । राजस्थानका लागि युजभेन्द्र चहलले एक मात्र विकेट लिए ।
