एजेन्सी । सुपरहिट फिल्म 'बाहुबली' फेम स्टार प्रभास अभिनित बहुप्रतिक्षित फिल्म 'आदिपुरुष'को बजेट ५०० करोड रहेको छ ।
मिडिया रिपोर्ट अनुसार ओम राउतको निर्देशनमा बन्दै गरेको यस फिल्मले भिएफएक्सको मामलामा प्रभासको पछिल्लो सुपरहिट फिल्म 'बाहुबली २ः द कन्क्लुजन'को रेकर्ड तोड्ने भएको छ ।
एसएस राजामौलीको निदेशनमा बनेको बाहुबली २ हालसम्म २५०० भिजुअल इफेक्ट्सका साथ सबैभन्दा बढी भिएफएक्सवाला फिल्म रहेको छ । जबकि आदिपुरुषमा ८००० भिएफएक्स शट्सको प्रयोग गरिने भारतीय सञ्चारमाध्यमले जनाएका छन् ।
जुन बाहुबलीको तुलनामा तीन गुणा भन्दा बढी रहेको छ । निर्माण टिमले कोरोना महामारी सामान्य भएपछि फिल्मको सुटिंग सुरु गर्ने तयारी गरेका छन् । फिल्म अर्को वर्ष २२ अगस्टमा रिलिज तोकिएको छ । प्रभासका अलावा फिल्ममा कृति सेनन र सैफ अली खान पनि प्रमुख भूमिकामा छन् ।
