एजेन्सी । स्पेनिस फुटबल लिग ला लिगा अन्तर्गत रियल मड्रिडले सानदार जित निकालेको छ ।
गएराति भएको खेलमा रियलले अल्मेरियालाई ४–२ गोलले पराजित गरेको हो । घरेलु मैदानमा रियललाई जित दिलाउन करिम बेन्जेमाले ह्याट्रिक गरे भने एक गोल रोड्रीगोले थपे । अल्मेरियाका लाजारो र लुकास रोवर्टोनले एक–एक गोल फर्काए ।
खेलको ५ औं, १७ औं मिनेटमा तथा ४२ औं (पेनाल्टी)मा गोल गर्दै बेन्जेमाले ह्याट्रिक पूरा गरे । ३२ खेलबाट ६८ अंकका साथ रियल तालिकाको दोस्रो स्थानमा यथावत छ । अल्मेरिया समान खेलबाट ३३ अंकका साथ १५ औं स्थानमा छ ।
