काठमाडौँ । सत्ता गठबन्धन दलका शीर्ष नेताहरूबीचको बैठक सुरु भएको छ । प्रधानमन्त्रीको सरकारी निवास बालुवाटारमा सत्ता गठबन्धन दलका शीर्ष नेताहरूको बैठक केहीबेरअघि सुरु भएको हो ।
बैठकमा टीआरसी विधेयकलगायतका विषयमा छलफल हुने बताइएको छ ।
बैठकमा प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधव नेपाल तथा जनता समाजवादी पार्टीका नेताहरू तथा नागरिक उन्मुक्ति पार्टीका नेताहरू सहभागी भएका छन् ।
यसैबीच, कांग्रेस सभापति शेरबहादुर देउवा, एमालेका केपी ओली र माओवादी केन्द्रका अध्यक्ष तथा प्रधानमन्त्री प्रचण्डबीच सोमबार बिहान ओली निवास बालकोटमा टीआरसी विधेयकलगायतका विषयमा छलफल भएको थियो ।
तस्बिरः प्रदीपराज वन्त
