काठमाडौँ । जुम्ला जिल्लाको सम्रग विकासका विभिन्न आयोजनाहरुमा आवश्यक बजेट विनियोजनको पहल गरिदिनका लागि जुम्लाका सांसदहरुले अर्थमन्त्री डा. प्रकाशशरण महतसँग भेट गरेका छन् ।
जुम्लाबाट प्रतिनिधित्व गर्ने सांसदहरु कान्तिका सेजुवाल, छीरीङ्ग ल्हामु तामाङ्ग, बिनिता कठायत र ज्ञान ब. शाही (ज्ञानेन्द्र)ले मंगलबार अर्थमन्त्रीको कार्यकक्षमा भेट गर्दै ज्ञापनपत्र बुझाएका हुन् ।
‘जुम्ला जिल्लाको सम्रग विकासका लागि अति आवश्यक आयोजनाहरु जनअपेक्षा अनुसार माग भर्र्इ आएका हुनाले साथै हामी जुम्ला जिल्लाका संघीय जनप्रतिनिधि को सहकार्यसँगै तपशिल बमोजिमका आयोजनाहरुमा आवश्यक बजेट विनियोजन गरिदिन हुन अनुरोध गर्दछौं ।’ पत्रमा उल्लेख छ ।
आयोजनाहरु यसप्रकार रहेका छन् –
जुम्लाको विमानस्थलको स्तर उन्नति सम्बनधमा जग्गा अतिक्रमण र मुअब्जा ।
नाग्म गमगडी सडकलाई कालापत्रे ।
महावु देखि नाक्चे नाग्ला बैकल्पिक सडक ।
कनकासुन्दरी (हिमाखोला) ११ मेघावाटको जलविद्युत आयोजना ।
जुम्ला हुँदै मनाङ–मुस्ताङ सडक ।
