एजेन्सी । इन्डियन प्रिमियर लिग २०२३ (आईपीएल)को दोस्रो खेलपछि नै रोयल च्यालेन्जर्स बैंगलोर (आरसीबी) लाई ठूलो धक्का लागेको छ । टिमका स्टार खेलाडी रिस टोपली काँधको चोटका कारण सिजन सिजन बाहिर भएका छन् । आरसीबीले शुक्रबार यसको जानकारी दिएको हो ।
पहिलो खेलमा टोपलीको काँधमा चोट लागेको थियो । बैंगलोरका बायाँ हाते तेज बलर टोपली २ अप्रिलमा मुम्बई इन्डियन्स (एमआई) विरुद्धको आईपीएल डेब्यू खेलमा फिल्डिङ गर्दा दायाँ काँधमा चोट लागेको थियो । आईपीएलमा उनको यो पहिलो खेल थियो ।
खेलको बिचमा उनलाई निकै पीडा भएको देखिएको थियो । उनलाई मैदानबाट बाहिर निकालियो । टोपलीले आफ्नो स्पेलको दोस्रो ओभरमा क्यामरुन ग्रीनलाई बोल्ड गरे । उनले पावरप्लेमा दुई ओभर बलिङ गरे र १४ रन दिएर एक विकेट लिए । तर पावरप्लेपछि ८ औं ओभरमा फिल्डिङ गर्ने क्रममा उनको काँधमा चोट लागेको थियो ।
उनी ओभरको तेस्रो बलमा सर्ट फाइन लेगमा उभिएका थिए । तिलक वर्माको स्वीप शटमा बल टोपलीमा गएको थियो । उनले डाइभिङ रोके, तर प्रयासमा उनको काँधमा नराम्रो चोट लाग्यो । उनी मैदानबाट बाहिरिए र खेलमा फेरि बलिङ गर्न सकेनन् ।
टोलीका मुख्य प्रशिक्षक सञ्जय बांगरले पहिलो खेलमा टोपलीको काँधमा चोट लागेको बताए । दुर्भाग्यवश टोपली प्रतियोगिताबाट बाहिरिएपछि स्वदेश फर्कनुपर्यो । ‘हामीले उनलाई यहाँ राख्न सक्दो प्रयास गरेका छौँ तर उपचार र विज्ञहरूले केही समयका लागि बाहिरिने सुझाव दिएका छन्,’ उनले भने ।
उनले यो पनि खुलासा गरे कि श्रीलंकाका खेलाडी वानिन्दु हसरंगा १० अप्रिलमा न्युजिल्याण्डबाट आउनेछन् र अष्ट्रेलियाका तेज बलर जोस हेजलउड १४ अप्रिलमा फर्किने अपेक्षा गरिएको छ । रजत पाटीदार पनि चोटका कारण प्रतियोगिताबाट बाहिरिएका छन् । विल ज्याक पनि बाहिर भएपछि उनको स्थानमा माइकल ब्रेसवेल टोलीमा सामेल भएका छन् ।
