एजेन्सी । ३ अप्रिल १९७३, न्यूयोर्क शहर, संयुक्त राज्य अमेरिका । मोटोरोला कम्पनीका कर्मचारी मार्टिन कुपर १ किलो तौलको ताररहित उपकरण बोकेर सडकमा उभिरहेका थिए ।
उनले यसलाई कानमा राखे र न्यू जर्सीमा रहेको बेल ल्याब्सको मुख्यालयमा आफ्ना प्रतिद्वन्द्वी इन्जिनियर जोएल एङ्गेललाई कल गरे । यो यन्त्र एक मोबाइल फोन थियो, जसबाट संसारको पहिलो कल गरिएको थियो ।
यो घटनाको आज ठ्याक्कै ५० वर्ष पूरा भएको छ । अहिले मोबाइल सबैको हातको आवश्यकता बनेको छ ।
कारफोनबाट पत्ता लाग्यो मोबाइलबारे
सन् १९४७ । नोकियाको एक अमेरिकन कम्पनी बेल ल्याब्सले टेलिफोन तारबाट छुटकारा दिलाउन अनौठो प्रयोग गरे । उनीहरुले कारमा एक ३६ किलोको एक डिभाइस लगाए, जुन गुडिरहेको कारमा टेलिफोन टावर्सको प्रयोग गरेर संवाद गरिन सकिन्थ्यो ।
धनी व्यापारीहरुमा यस कार फोनको प्रयोग वृद्धि भयो । यसमा एक समस्या थियो । यो कारफोनबाट कुरा गर्नका लागि लाइन क्लियर हुन धेरै समय कुर्नुपथ्र्यो । यसका अलावा यो धेरै वजनको हुन्थ्यो । यस कारफोनबाट सफलता नमिले पनि यसबाटै मोबाइल फोनको जन्म भयो ।
कारफोनको कन्सेप्टमा मोटोरोला कम्पनीका मार्टिन कुपर र उनको टिमले नोभेम्बर १९७२ मा एक सानो फोन बनाउन थाले । ३ महिनापछि एक प्रोटोटाइप तयार भयो । जसको नाम डिनाटाक ८००एक्सआई थियो । जुन १।१ किलो र बिनातारको रहेको थियो ।
