• २६ बैशाख २०८१, बुधबार
  •      Wed May 8 2024
  •   Unicode
Logo
Latest
★   २४ दिनमा आगलागी, डढेलो र चट्याङबाट २७ जनाको मृत्यु ★   दिल्लीले राजस्थानलाई २० रनले हरायो, राजस्थानले प्लेअफका लागि अन्य खेल कुर्नुपर्यो ★   आज मातातीर्थ औँशी : मातातीर्थ कुण्डमा भक्तजनको घुइँचो ★   पिएसजीलाई पाखा लगाउँदै डर्टमण्ड च्याम्पियन्स लिगको फाइनलमा ★   अन्तर कलेज फुटसल प्रतियोगिता एक्सन स्पोर्ट एचडी १ च्यानलले प्रत्यक्ष प्रशारण गर्ने ★   विद्यालय बससँग मोटरसाइकल ठोक्किँदा दुईको निधन, दुई घाइते ★   मातातीर्थ मेला सुरु, चन्द्रागिरिमा भोलि बिदा ★   म दोषी भए फासीमा चढाईयोस्, ८ वर्षले पुग्दै पुग्दैनः सन्दीप लामिछाने ★   एमाले रसुवा जिल्ला अध्यक्षमा ढकाल ★   नेकपा एसको निष्कर्षः सरकारमा हाम्रो निरन्तरता कायम रहन्छ

देशको स्वास्थ्य प्रणाली व्यवस्थित भएन: सांसद दिलकुमारी



काठमाडौँ । राष्ट्रिय सभा सदस्य दिलकुमारी थापा रावल (पार्वती) ले देशको स्वास्थ्य प्रणाली व्यवस्थित नरहेको बताउनुभएको छ ।

आईतवार राष्ट्रिय सभाको बैठकमा बोल्दै उहाँले यस्तो बताउनुभएको हो । उहाँले नेपालको स्वास्थ्य प्रणाली चिन्तजनक रहेको बताउनु भयो । उहाँले एउटा अस्पतालबाट अर्को अस्पताल धाउँदा एम्बुलेन्सभित्र नै बिरामीले ज्यान गुमाउनुपर्ने बाध्यता सिर्जना भएको बताउनु भयो । उहाँले स्वास्थ्य प्रणाली व्यवस्थित नहुँदा प्राप्त संघीय लोकतान्त्रिक गणतन्त्रात्मक व्यवस्था, संघीयता, तीन तहका सरकारहरुको उपलब्धि नदेखिएको बताउनु भयो ।

सांसद थापाले तीन तहका सरकारहरुको बीचमा समन्वय र सहकार्य नहुँदा नागरिकहरुले दु:ख पाइरहेको बताउनु भयो । उहाँले संघीय सरकार अन्तर्गतका अस्पतालहरु पनि नागरिकमैत्री बन्न नसकेको बताउनु भयो । अस्पतालहरु बिरामीमैत्री नभएकाले दीर्घकालीन रोगहरुको चाप बढेको बताउनु भयो ।

उहाँले भन्नुभयो, ‘दु:खका साथ भन्नुपर्छ, नेपालको स्वास्थ्य प्रणाली कस्तो छ ? आज बिरामीहरु एउटा अस्पतालबाट अर्को अस्पताल धाउँदा एम्बुलेन्सभित्र जीवन सक्नुपर्ने स्थिति देखिएको छ । हाम्रो स्वास्थ्य प्रणाली व्यवस्थित नहुँदा आज प्राप्त गरेका संघीय लोकतान्त्रिक गणतन्त्रात्मक व्यवस्था संघीयता, तीन तहका सरकारहरु यी उपलब्धीहरु साँच्चै नेपाली नागरिकले संविधानमा लेखिएको मौलिक हक प्राप्त गर्न सकेका छैनन् ।

तीन तहका सरकारहरुको बीचमा समन्वय नहुँदा, सहकार्य नहुँदा नागकिरले यो अवस्था व्यहोर्नुपरेको छ । नेपालको स्वास्थ्य प्रणालीमा थुप्रै सुधार गर्नुपर्ने आवश्यक्ता छ । संघीय सरकार अन्तर्गतका अस्पतालहरु पनि नागरिकमैत्री बन्न सकिरहेका छैनन् । बिरामीमैत्री बन्न सकिरहेका छैनन् । दीर्घकालीन रोगहरुका कारण नागरिकले दु:ख पाइरहेपनि तहगत सरकार र निकायहरुमा जाँदा बिरामीमैत्री व्यवस्था हुन सकेको छैन ।’
सांसद थापाले बिरामीहरु तहगत सरकार र निकायहरुमा जाँदा बिरामीमैत्री व्यवस्था हुन नसकेको बताउनु भयो ।