काठमाडौँ । सभामुख देवराज घिमिरेले संसद बैठकलाई रोकतोक बिना अगाडि लैजान महत्वपूर्ण आधार तयार भएको बताउनुभएको छ ।
मंगलवार सिंहदरबारमा शिर्ष नेताहरुसँगको भेटपछि उहाँले यस्तो बताउनुभएको हो । उहाँले आजको छलफलले ८ गतेबाट सुचारु हुने अबको अधिवेशन रोकतोक बिना अगाडि लैजान महत्वपूर्ण आधार तयार पारेको दाबी गर्नुभयो । उहाँले समस्याले सदनलाई अवरोध गर्दैन भन्ने आफ्नो बलियो विश्वास रहेको पनि बताउनु भयो ।
उहाँले समस्याको समाधान कतिपय राजनीतिक दलहरुको बीचबाट हुने र कतिपय संसदबाट हुने बताउनु भयो । उहाँले संसदलाई अवरोधको भन्दा समस्या समाधानको थलो बनाउनुपर्ने बताउनु भयो । उहाँले सबै राजनीतिक दलहरु यसमा सचेत भएर अघि बढ्न जरुरी रहेको पनि बताउनु भयो ।
उहाँले भन्नुभयो, ‘यो निरन्तर प्रक्रिया हो । समस्याहरु आइरहन्छन् । समस्याले सदनलाई अवरोध गर्दैन भन्ने मेरो बलियो विश्वास छ । समस्याको समाधान कतिपय राजनीतिक दलहरुको बीचबाट हुन्छ । कतिपय संसदबाट पनि हुन्छ । आजको छलफलले २८ गतेबाट सुचारु हुने अबको अधिवेशन रोकतोक बिना अगाडि लैजान महत्वपूर्ण आधार तयार गरेको छ । शंका गर्नुपर्ने आधार देखेको छैन ।
संसदलाई समस्या समाधानको थलो बनाउनुपर्छ । अवरोधको थलोमा लैजानु हुँदैन । यसमा सबै राजनीतिक दलहरु सचेत हुनुहुन्छ । संसद राम्रोसँग सञ्चालन गर्न दलहरुको भुमिका निर्णायक हुन्छ । आउँदा दिनमा दलहरु गम्भीर हुनेछन् । समस्याको समाधान दलबाट निकाल्दै संसद अघि लैजान प्रभावकारी रुपमा लैजानुहुन्छ । अवरोध हटाउन सबैको आफ्नो आफ्नो भुमिका हुन्छ ।’
सभामुख घिमिरेले संसद राम्रोसँग सञ्चालन गर्न दलहरुको भुमिका निर्णायक हुने र आउँदा दिनमा दलहरु गम्भीर हुनुपर्ने बताउनु भयो ।
