रुपन्देही । स्ववियू चुनावमा रुपन्देहीको बुटवल वहुमुखी क्याम्पसबाट नेकपा एमाले निकट अनेरास्ववियु प्यानलसहित विजयी भएको छ ।
चुनावमा कुल २ हजार ६ सय ८१ मत खसेकोमा अनेरास्ववियुको प्यानलले करिब ५ सय मतकोे अग्रतामा जितेको बताईएको छ । यद्यपी निर्वाचन समितिले भने अन्तिम नतिजा सार्वजनिक गरेको छैन ।
स्ववियू सभापतिमा अनेरास्ववियुका उम्मेदवार दुर्गा बहादुर एमसी निर्वाचित भएका छन् । उनले अखिल क्रान्तिकारीका शिव बहादुर खवासभन्दा करिब ५ सय बढी ल्याएर विजयी भएका हुन् ।
त्यसैगरी सचिव पदमा निलकन्ठ पाण्डेय, कोषाध्यक्षमा शशांक बस्याल,सदस्यमा नविन खनाल, सुचना भण्डारी, सुनिल कार्की, भुकम्प अर्याल, बिमल कुमार पासी, सागर एमसी र प्रज्वल बस्नेत विजयी भएका छन् ।
बुटवल क्याम्पसमा अनेरास्ववियुले ०४९ सालदेखि जित्दै आएको छ ।
