काठमाडौँ । नेपाली राष्ट्रिय क्रिकेट टोलीका कप्तान रोहित पौडलले ७७ रनको योगदान दिएर पेभिलियन फर्किएका छन् ।
आईसीसी विश्वकप लिग टूको अन्तिम त्रिकोणात्मक सिरिजमा यूएईविरुद्ध उनले ११२ बलमा ९ चौकाको मद्धतले ७७ रन जोडेर आउट भएका हुन् । उनलाई कार्तिक मयिप्पनले आउट पारे ।
कीर्तिपुरस्थित टियु मैदानमा जारी खेलमा टस जितेर पहिले ब्याटिङ थालेको नेपाल यो खबर लेख्दासम्म ३९ ओभरमा ५ विकेटको क्षतिमा १६४ रनको अवस्थामा छ । हाल आरिफ शेख र गुल्सन झा क्रिजमा छन् ।
