काठमाडौं । नेकपा माओवादी केन्द्रका नेता शक्ति बस्नेतले उपराष्ट्रपतिमा महिला नै हुनुपर्छ भन्ने कुरा संविधान विपरीत रहेको बताएका छन् ।
सिंहदरबारमा बसेको गठबन्धन कार्यदलको बैठकपछि सञ्चारकर्मीहरुसँग कुरा गर्दै उनले उपराष्ट्रपतिमा संविधानले लिंग वा समुदाय राष्ट्रपतिको भन्दा फरक हुनुपर्छ भनेको प्रष्ट पारे ।
निर्वाचन आयोगले उपराष्ट्रपतिमा महिला नै हुनुपर्छ भनेको छ । त्यसलाई गठबन्धनले कसरीले लिएको छ भन्ने सञ्चारकर्मीहरुको प्रश्नमा उनले जारी भएको वक्तव्य संविधान र कानूनअनुसार भएको बताए । ‘अहिले जारी भएको वक्तव्य संविधान र कानूनअनुसार नै भएको देखिन्छ । त्यहाँ महिला वा अन्य समुदायको भनिएको छ । अहिले निर्वाचित हुनुभएको राष्ट्रपति खस आर्यको तर्फबाट र लिंगको हिसाबमा पुरुष हुनुहुन्छ । त्यो बाहेक महिला वा फरक समुदायको भनिएको छ । ,’ उनले भने, ‘वक्तव्यमा हेर्दा मैले समस्या देख्दिनँ । तपाईंहरुले भन्नुभएको कुरा हो भने त्यो संविधान र उसको भावना विपरीतको हुन्छ । मैले त्यो सुन्नमा आएको छैन। त्यो संविधानको खिलापमा हुन्छ ।’
