काठमाडौं । बढुवा सिफारिस समितिले नेपाल प्रहरीका रिक्त पाँच एआईजीमा शुक्रबार बढुवा सिफारिस गरेको छ ।
सिफारिसअनुसार पहिलो नम्बरमा वसन्त कुँवर हुनुहुन्छ । यसअघि डीआईजीमा पनि उहाँ नै पहिलो नम्बरमा हुनुहुन्थ्यो ।
सिफारिसमा दोस्रो नम्बरमा टेकप्रसाद राई, तेस्रोमा दीपक थापा, चौथोमा श्यामलाल ज्ञवाली र पाँचौंमा किरण बज्राचार्य रहनुभएको छ । यसअघि गत असारमा निकालिएको बढुवा सिफारिसमा पनि दोस्रोमा राई, चौथोमा थापा, पाँचौँमा ज्ञवाली र छैटौँमा बज्राचार्य हुनुहुन्थ्यो ।
तेस्रो नम्बरमा रहेका अशोक सिंहले राजीनामा दिनुभएको थियो । त्यसपछि पछाडि रहेका एक/एक स्थान उक्लिनुभएको हो ।
बढुवा समितिको सिफारिसविरुद्ध उजुरी नपरे एक सातापछि सरकारले उहाँहरूलाई एआईजीमा बढुवा गर्नेछ । एआईजीमा बढुवा हुने यीमध्येबाटै एकजनाले आगामी चैत १० गतेदेखि नेपाल प्रहरीको नेतृत्व गर्नेछ । प्रहरीमा गत साउनदेखि एआईजी रिक्त रहे पनि पदपूर्तिका लागि सिफारिस हुन सकेको थिएन ।
