काठमाडौँ । सहिद स्मारक ‘ए’ डिभिजन लिग फुटबल अन्तर्गत आज बिहीबार दुई खेलहरु हुँदैछन् । दोस्रो चरणको लिग अन्तर्गत बिहीबार एन्फा कम्प्लेक्स र च्यासल मैदानमा खेल हुन लागेको हो ।
एन्फा कम्प्लेक्समा एनआरटी र जावलाखेल युथ क्लबबीच प्रतिस्पर्धा हुँदैछ । उक्त खेल दिउँसो २ः३० बजे सुरु हुनेछ । सोही समयमा च्यासल मैदानमा विभागीय टोली त्रिभुवन आमी क्लब र मछिन्द्र फुटबल क्लबले प्रतिस्पर्धा गर्दैछन् ।
डबल राउण्ड रोबिनको आधारमा जारी यसपटक लिगको विजेतालाई ७५ लाख, उपविजेतालाई ५० लाख र तेस्रो हुनेलाई २५ लाख रुपियाँ पुरस्कार प्रदान गरिने एन्फाले जनाएको छ । फेयर प्ले टोलीले ३ लाख पाउने छ ।
यस्तै, मोस्ट भ्यालुएबल खेलाडीले ३ लाख, सर्वाधिक गोलकर्ता र सर्वोत्कृष्ट गोलकिपरले २ लाख र इमर्जिङ प्लेयरले १ लाख ५० हजार रुपैयाँ पाउनेछन् ।
