काठमाडौँ । अमेरिकाबाट नेपाल पठाइएको चिठीपत्रको खामभित्र गाजा भेटिएको छ । एउटा पार्सलमा साढे ४ किलो र अर्को पार्सलमा २।४ किलो गाँजा बरामद गरिएको नेपाल प्रहरीको लागु औषध नियन्त्रण ब्यूरोले जानकारी दिएको छ ।
यही फागुन २१ गते अमेरिकाको लस एन्जलसबाट दुबई हुँदै काठमाडौँ ल्याइएको चकलेट र बालबालिकाको खेलौना ९चकलेट एण्ड चाइल्ड गेम आइटम० उल्लेख गरिएको पार्सलमा साढे ४ किलो गाँजा भेटिएको ब्यूरोले जनाएको छ ।
उक्त पार्सल भारत गुजरातका ३० वर्षका निमेश अशोकभाइ दयानी र सर्लाहीको हरिहरपुर नगरपालिका९३ का फैज आलम बुझ्न आएका थिए । उनीहरुलाई पक्राउ गरिएको प्रहरीले जनाएको छ ।
प्रहरीले भारतीय नागरिक निमेशको साथबाट १ लाख ४० हजार भारु र सर्लाहीका फैज आलमको साथबाट ८० हजार रुपैयाँसमेत बरामद गरेको छ ।
त्यसैगरी अमेरिकाको क्यालिफोर्नियाबाट दुबई हुँदै आएको होम डेकोर वाटर फाउन्टेन एण्ड चाइल्ड गेम आइटम उल्लेख गरेको पार्सलमा पनि प्रहरीले २।४ किलोग्राम गाँजा फेला पारेको छ । उक्त पार्सल लिन आउने गोरखाको गण्डकी गाउँपालिका– ४ का २३ वर्षका रुपक अर्याललाई पक्राउ गरिएको ब्यूरोले जनाएको छ ।
