एजेन्सी । इंग्लिस प्रिमियर लिग फुटबल अन्तर्गत ब्राइटनले सानदार जित निकालेको छ । शनिबार राति सम्पन्न खेलमा ब्राइटनले वेस्टहाम युनाइटेडलाई ४–० गोलले पराजित गरेको हो ।
ब्राइटनलाई जित दिलाउन एलेक्सिस एलिस्टर (पेनाल्टीमार्फत), जोएल भेल्टम्यान, काओरु मितोमा र ड्यानी वेलवेकले गोल गरे । जितसँगै २३ खेलबाट ३८ अंकसहित ब्राइटन तालिकाको आठौं स्थानमा रहेको छ ।
यता २५ खेलबाट २३ अंकसहित वेस्टहाम १६ औं स्थानमा रहेको छ ।
