काठमाडौँ । नेपालले आइसिसी विश्वकप लिग–२ त्रिकोणात्मक सिरिजमा पपुवा न्युगिनीबिरुद्ध नेपाललाई दोस्रो सफलता मिलेको छ ।
दुबई इन्टरनेशल क्रिकेट स्टेडियममा भईरहेको खेलमा कुशल मल्लले नेपाललाई महत्वपूर्ण विकेट दिलाएका हुन् । कुशलको बलमा सेसे बाउ रन आउट भएका थिए । २४ बलमा ११ रन बनाएका बाउ आसीफ शेखको डाईरेक्ट हिटमा रन आउट हुन पुगे ।
यसअघि स्पिनर सन्दीप लामिछानेले नेपाललाई पहिलो सफलता दिलाएका थिए । उनले पपुवा न्युगिनीका ओपनर किप्लीन डोरीगालाई एलबिडब्ल्यू आउट गराएका थिए । डोरीगा ४३ बलमा २६ रन बनाएर आउट भएका थिए ।
यो समाचार तयार पार्दासम्म पपुवा न्युगिनीले २० ओभरमा २ विकेटको क्षतिमा ७६ रन बनाएको छ ।
