काठमाडौं । आईसीसी विश्वकप लिग–टू अन्तर्गतको त्रिकोणात्मक सिरिजमा नेपालले पाचँ विकेट गुमाएको छ ।
जितको लागि २ सय ८ रनको लक्ष्य पछ्याएर ब्याटिङ गरिरहेको नेपालले खराब सुरुआत गरेको छ । नेपालका तीन खेलाडि शुन्य रन बनाएर आउट भएका छन् ।
नेपालका ओपनर कुशल भुर्तेल ५ रन बनाएर आउट भए । यस्तै, कप्तान रोहित पौडेल र ज्ञानेन्द्र मल्ल शुन्य शुन्य रनमा आउट भए ।यस्तै आसिफ शेख १६ बलमा १७ रन बनाएर क्याच आउट भए भने अरीफ शेख १० बलमा शुन्य रन बनाएर आउट भए ।
यो समाचार तयार पार्दासम्म १२ ओभरको खेल सकिदा नेपालले ५ विकेट गुमाएर ६९ रन बनाएको छ ।
दुबई अन्तराष्ट्रिय क्रिकेट स्टेडियममा टस हारेर पहिला ब्याटिङ गरेको यूएईले निर्धारित ५० ओभरमा ८ विकेटको क्षतिमा २०७ रन बनायो ।यूएईको लागि असिफ खानले ७२ रनको अर्धसतकिय इनिङ खेले । उनले ५ चौँका र तीन छक्का प्रहार गरे । नेपालका स्पिनर सन्दीप लामिछानेले उनलाई करण केसीको हातबाट क्याच गराएर नेपाललाई महत्वपूर्ण सफलता दिलाएका थिए ।
यस्तै, यूएईका मुस्तफाले २ चौकाको सहयोगमा ७६ बलमा ५२ रन बनाएर अविजित रहे । आर्यान ल्याक्राले २८ तथा रिजवानले २२ रन बनाउँदा आर्विन्द १८ रनमा सिमित रहे ।
नेपालका लागि बलिङ गरेका सन्दीप लामिछाने र करण केसीले समान ३र३ विकेट लिए । आरीफ शेख, कुशल मल्लले भने समान १र१ विकेट लिए ।
