काठमाडौं । चितवनबाट ८५ तोला सुन र हिराका गरगहनासहित तीन जना भारतीय नागरिक पक्राउ परेका छन् ।
सुनका गरगहना ६३.९८९ तोला र हिरा जडित गरगहना २२.८७८ तोलासहित प्रहरीले भारत उत्तर प्रदेशका ४३ वर्षीय विनोद प्रसाद, पश्चिम बंगालका ५१ वर्षीय गणपतकुमार तोसावर र सोही ठाउँका नरेश वर्मा पक्राउ गरेको हो ।
पूर्व–पश्चिम राजमार्गअन्तर्गत डब्लूबी १२ एभी ५५६६ नम्बरको नेक्सन कारलाई रोकेर खानतलासी गर्दा यात्रु बस्ने सीटमुनि, गियर बक्सभित्र र एयर फिल्टरभित्र गरगहना लुकाएर राखिएको अवस्थामा फेला परेको प्रहरीले जनाएको छ ।
घटनाबारे अनुसन्धान भइरहेको छ ।
