काठमाडौँ । नेपाल क्रिकेट संघ (क्यान)ले क्रिकेटर सन्दीप लामिछानेलाई यूएईमा जारी त्रिकोणात्मक श्रृंखलामा भाग लिनका लागि तत्काल पहल सुरु गर्ने भएको छ ।
क्यानका प्रवक्ता दुर्गा पाठकका अनुसार आइसीसीसँग अनुमति लिएर अन्य प्रक्रियाहरु पूरा गरी सन्दीपलाई यूएई पठाउन लागिएको हो ।
सर्वोच्च अदालतले सन्दीपमाथि विदेश भ्रमणको प्रतिवन्ध फुकुवा गरेसँगै उनलाई यूएइ जान बाटो खुलेको छ । यस्तै, सर्वोच्चले सन्दीपको रोक्का भएको राहदानी फुकुवा गर्न पनि आदेश दिएको छ ।
नेपाली क्रिकेट टोली शनिबार यूएई भ्रमणका लागि प्रस्थान गरेको थियो । यसैबीच नेपाल र पपुवा न्यूगिनीबीचको खेल जारी छ ।
