काठमाडौं । काठमाडौं महानगरपालिकाले मनसुनजन्य विपतका व्यवस्थापनका लागि तयारी अवस्थामा रहेको बताएको छ । सोमबार काठमाडौं महानगरपालिका विपत व्यवस्थापन विभागका प्रमुख रविन्द्रमान श्रेष्ठले भोलीका दिनमा आइपर्न सक्ने विपत व्यवस्थापनका लागि महानगरपालिका तयारी अवस्थामा रहेको बताउनुभयो ।
नदिमा आउने बाढी घरभित्र पसेमा गरिने उद्धार तथा राहतको लागि महानगरपालिका तयार रहेको बताउनु भयो । बाढी घरभित्र पसेमा सरसफाई गर्ने लगायतका कामको लागि पनि तयार रहेको उहाँले बताउनुभयो । आवश्यक जनशक्ति र र सामग्रीहरु पनि तयारी अवस्थामा रहेको उहाँले जानकारी दिनुभयो । धोविखोला, बल्खु खोला, बागमती, विष्णुमति नदीका किनारहरुमा डुवानहुने कुरालाई ध्यान दिदैँ त्यहाँ विपत प्रतिकार्यका काम शुरु गरिएको पनि उहाँले बताउनुभयो ।
उहाँले भन्नुभयो – नदी सरसफाइको कार्यहरु केही ठाउँहरुमा गरेको छ र कति ठाउँहरुमा लोकल र वडाहरुबाट पनि सिफारिसहरु आउँछ यो नदी सफा गरिदिनु प¥यो डुबान हुन्छ भनेर । हामीले कहिँपनि डुबान भएछ, पानि भरिइरहेको छ भने त्यहाँ पम्पले तान्ने काम गरेका छौँ । जनशक्तिमा हाम्रो नगरप्रहरीहरु पनि छन् र दमकल पनि चालु हालतमा छ । हाम्रो गाडी, म्यानपावर, इक्युपमेन्टहरु पनि तयारी हालतमा राखेका छौँ ।
उहाँले बाढी आएको खण्डमा दुई सय जना नगरप्रहरी तुरुन्त परिचालन गर्न सकिने जानकारी दिनुभयो । ¥यापिड रेस्पोन्स फोर्समा भने ३० जना प्रहरी तुरुन्त परिचालन गर्न सकिने अवस्थामा रहेको उहाँले बताउनुभयो । रेनकोट, बत्ति, गल, रुख काट्ने औजारहरु र स्लिपिङ ब्याग लगायतका अत्यावश्यक सामग्रीहरुको पनि व्यवस्था गरिएको प्रमुख श्रेष्ठले बताउनु भयो ।
