काठमाडौं । क्रिकेटर सन्दीप लामिछानेले आईसीसी विश्वकप लिग–२ त्रिकोणात्मक ओडिआई सिरिज मा बिजेता बनेपछि देशले क्रिकेट जितेको भन्दै सबै प्रति आभार व्यक्त गरेका छन् ।
उनिमाथि लागेको आरोप अदालतमा बिचाराधिन अबस्थामा रहेकै बेला मैदानमा उत्रिएका सन्दीपले सामाजिक संञ्जालमा लेखेका छन्-
मैले कति योगदान गर्न सके थाहा छैन तर मेरो देशले क्रिकेट जितेको छ।। यो साथ यो मायाको लागि सम्पूर्णमा हृदय देखी आभारी छु ।
घरेलु मैदानमा भएको आईसीसी विश्वकप क्रिकेट लिग २ मा चारै खेलमा सन्दीपको सानदार प्रदर्शन रहेको थियो । उनले नामिबियासँगको पहिलो खेलमा ६६ रन खर्चेर ३ विकेट लिएका थिए भने स्कटल्याण्डसँगको पहिलो खेलमा २७ रन खर्चेर ३ तथा नामिबियासँगको दोस्रो खेलमा ४६ रन खर्चेर ३ विकेट लिएका थिए । यसैगरी स्कटल्याण्डसँगको दोस्रो खेलमा ४५ रन खर्चेर ४ गरी चार खेलमा १३ विकेट लिएका थिए ।
अबका केही खेल यूएइमा हुने छ तर अदालतको आदेशले सन्दीप मुलुक बाहिर जान पाउने छैनन । हिजो उनलाई यूएइ भ्रमणमा समावेश गर्न मागसहित टियु मैदानमा नाराबाजी समेत भएको थियो ।
