• १२ असार २०८१, बुधबार
  •      Wed Jun 26 2024
  •   Unicode
Logo
Latest
★   लमजुङ पहिरो अपडेट: बेपत्ता वृद्धको शव भेटियो ★   ओखलढुङ्गामा पहिरोमा पुरिएर एकजनाको मृत्यु, दुई घाइते ★   तिलगंगा आँखा अस्पताल अब विश्वविद्यालय ! ★   लगातार दोस्रो जितसहित अर्जेन्टिना कोपा अमेरिकाको क्वाटरफाइनलमा ★   नेपाल आइडल करण परियारलाई प्रधानमन्त्री दाहालको गितार उपहार ★   लमजुङमा पहिरोले तीन घर पुरिँदा चारजना बेपत्ता ★   कास्कीमा पहिरोमा परेर दुई बालबालिकाको मृत्यु, एक घाइते ★   ट्रक पार्किङ स्थल निर्माणका लागि कोशी प्रदेश सरकारले छुट्यायो दुई करोड ★   विजुलीका पोलमा जताततै ‘सवि’ ! के होला त्यो ? ★   दोस्रो चरणको छानबिनका क्रममा २० जना पक्राउ, १५ अझै फरार

ला लिगाः बार्सिलोनाको संघर्षपूर्ण जित



एजेन्सी । स्पेनिस फुटबल लिग ला लिगा अन्तर्गत बार्सिलोनाले जित निकालेको छ । आइतबार राति सम्पन्न खेलमा बार्सिलोनाले भिल्लारियललाई १-० गोलले पराजित गरेको हो ।

बार्सिलोनालाई जित दिलाउन एकमात्र निर्णायक गोल पेड्रीले गरे । खेलको तेस्रो मिनेटमा नै बार्सिलोनाका रोबर्ट लेवान्डोस्कीले गोल गर्ने अवसर गुमाए । भिल्लारियलका गोलकिपरसँग वान टु वानको अवस्थामा उनी गोल गर्न चुके । गोलकिपर पेपे रैनाले उनको प्रहारलाई उत्कृष्ट बचाउ गरेका थिए ।

खेलको १८ औं मिनेटमा पेड्रीले गोल गर्दै पाहुना टोली बार्सिलोनालाई सुरुवाती अग्रता दिलाए । लेवान्डोस्कीले उनलाई पास उपलब्ध गराएका थिए । राफिन्हाले पेड्रीलाई बल दिए । त्यसपछि पेड्रीले लेवान्डोस्कीलाई बल दिँदै आफू अगाडि बढे । लेवान्डोस्कीको वान टच पासमा पेड्रीले गोल गरे ।

जितसँगै शीर्षस्थानको बार्सिलोनाको २१ खेलबाट ५६ अंक छ । एक खेल कम खेलेको रियल मड्रिड ४५ अंकसहित दोस्रो स्थानमा छ । यस्तै, पराजित भिल्लारियल २१ खेलबाट ३१ अंकसहित ११ औं स्थानमा छ ।