काठमाडौं । काठमाडौंको सिंहदरबारबाट बृहत् नागरिक आन्दोलनका अभियन्ताहरूलाई प्रहरीले पक्राउ परेको छ। आज बिहान ११ बजे सिंहदरबारको दक्षिणीगेटमा मार्चमा आएका अभियन्ताहरूलाई नियन्त्रणमा लिएको हो । प्रदर्शनमा उत्रिएका अभियन्ता नारायण वाग्ले, खगेन्द्र संग्रौला सहित १७ जना पक्राउ परेका छन् ।
बिपी कोइराला स्वास्थ्य विज्ञान प्रतिष्ठान धरानका चारै पदाधिकारीलाई पदमुक्त गरी नयाँ पदाधिकारी चयन गर्नुपर्ने उनीहरुको माग रहेको थियो । पदाधिकारीले गरेको भ्रष्टाचारबारे बारम्बार समाचार आउँदा पनि कुनै छानबिन नगरी सम्बन्धित निकाय बेखबर रहेको उनीहरुको आरोप छ।
त्यस्तै प्रतिष्ठानमा वस्तुगत मापदण्डका आधारमा पदाधिकारी नियुक्त गरिनुपर्ने उनीहरुको माग छ। उनीहरूहरूले निषेधित क्षेत्र तोडेपछि नियन्त्रणमा लिएको प्रहरीले जनाएको छ ।