काठमाडौँ । बागलुङमा एक पुरुषले पेट्रोल छर्केर आत्मदाहको प्रयास गरेका छन् । बागलुङ नगरपालिका–८ सिगानाका ५२ वर्षीय शेर बहादुर जिसीले शरिरमा पेट्रोल छर्केर आत्मदाहको प्रयास गरेका हुन् ।
घरमा कोही नभएको अवस्थामा पेट्रोल छर्केर शरीरमा आगो लगाउँदै गर्दा छिमेकीले जोगाएका थिए । जिसीले शरीरमा आगो लगाउँदा अनुहार लगायत विभिन्न अंगमा जलेको बताइएको छ ।
उनलाई धौलागिरी अस्पतालमा सामान्य उपचारपछि पोखरा रेफर गर्न थालिएको छ । उनको अवस्था गम्भीर रहेको बताइएको छ ।
