एजेन्सी । भारतसँगको चार टेष्टको शृङ्खला अघि अस्ट्रेलिया टोलीलाई झट्का लागेको छ । अस्ट्रेलियाका ब्याट्सम्यान उस्मान ख्वाजाले भारतको भिसा पाउन सकेका छैनन् ।
यस्तो अवस्थामा उनी मंगलबार टोलीसँग भारत जान पाएका छैनन् । उनले बिहीबार भारतको लागि उडान लिनेछन् । अस्ट्रेलियाका ब्याट्सम्यानले आफैंले इन्स्टाग्राममा एक पोस्ट गर्दै आफू भारतको भिसा पर्खिरहेको लेखेका छन् ।
उस्मान ख्वाजा बाहेक अष्ट्रेलियाको टोली एलन बोर्डर पदक समारोहमा भाग लिएर मंगलबार राति सिड्नीबाट भारत प्रस्थान गरेको छ । अष्ट्रेलियाले ख्वाजाको भिसा क्लियर हुने अपेक्षा गर्दै बिहीबार भारत जाने जनाएको छ ।
उस्मान ख्वाजाको प्रदर्शन पछिल्लो समय प्रभावशाली रहेको छ । उनले अष्ट्रेलियाका लागि ५६ टेस्टमा १३ शतक सहित ४१६२ रन बनाएका छन् । यस्तै, उनले ४० एकदिवसीय खेलमा १५५४ रन र ९ टी–२० खेलमा २४१ रन बनाएका छन् ।
भारत र अष्ट्रेलियाबीचको टेस्ट ९ देखि १३ फेब्रुअरीसम्म महाराष्ट्रस्थित भीसीए स्टेडियममा हुँदैछ ।
