काठमाडौँ । नयाँ बानेश्वरमा गत मंगलबार आत्मदाह गरेका प्रेमप्रसाद आचार्यले उठाएका २५ बुँदे सुझाव र माग सम्बोधन हुनुपर्ने परिवारजनले माग गरेका छन् ।
गृहमन्त्रीमार्फत प्रधानमन्त्रीलाई सम्बोधन गर्दै गरिएको मागपत्रमा नयाँ बानेश्वरमा भएको कृषि युवा व्यवसायीको विद्रोहस्वरु गरेको आत्मदाहबाट मृतकको परिवारजनलाई गरिखाने स्थितिमा पुर्याउन स्वर्गीय आचार्यलाई बाध्य बनाएर आत्मदाह गर्न उत्प्रेरित गर्नेलाई कानूनी कारवाही गर्नुपर्ने माग गरिएको छ ।
दश बुँदे मागपत्रमा परिवारजनले स्व आचार्यले लिएको कर्जा राज्यले स्वामित्व लिई चुक्ता गरिदिनुपर्ने, नाबालक सन्तानलाई उनीहरुले चालेको विद्यालय शिक्षादेखि निःशुल्क उच्च शिक्षाको ग्यारेन्टी राज्यले लिन्ुपर्ने, आचार्यलाई आर्थिक कृषि क्रान्तिको प्रथम सहिद घोषणा गर्नुपर्ने लगायतका माग राखिएका छन् ।
