काठमाडौं । नेपाल टी–ट्वान्टी लिग क्रिकेटमा ‘स्पट फिक्सिङ’मा संलग्न भएको आरोपमा थप एक जना पक्राउ गरेका छन् । नेपाल प्रहरीको केन्द्रीय अनुसन्धान ब्यूरो (सीआईबी)ले नेपालका चार र विदेशी ६ जना फिक्सिङमा संलग्न भएको बताएको छ ।
तीमध्ये महबुब आलम र आदिल अन्सारी पक्राउ परिसकेका छन् । यस्तै, थप एक जनालाई पनि पक्राउ गरिएको सीआईबी स्रोतले जनाएको छ । यद्यपि, उनको नाम खुलेको छैन ।
प्रहरी उपरिक्षक सञ्जयसिंह थापा नेतृत्वको टोलीले स्पट फिक्सिङबारे छानबिन गरेको थियो । प्रारम्भिक अनुसन्धानबाट टी–ट्वान्टी लिग क्रिकेटको व्यवस्थापन गर्ने जिम्मा पाएको कम्पनी सेभेन–३ स्पोर्टका सञ्चालक नै फिक्सिङमा संलग्न रहेको आशंका गरिएको छ । त्रिवि क्रिकेट मैदानमा ९ देखि २७ पुससम्म नेपाल टी–२० लिग भएको थियो ।
यो पनिः टि–२० लिग स्पट फिक्सिङः कहाँबाट पक्राउ परे पूर्व राष्ट्रिय खेलाडी मेहबुब आलम ?
क्रिकेट स्पट फिक्सिङ प्रकरणः आदिल अन्सारी र मेहबुब आलम पक्राउ
