काठमाडौं । सभामुखमा पराजित नेपाली कांग्रेसकी सांसद ईश्वरी न्यौपानेले नवनिर्वाचित सभामुख देवराज घिमिरेलाई सिंगो संसदको अभिभावक हुन आग्रह गरेकी छन् ।
बिहीवार प्रतिनिधिसभा बाहिर सञ्चारकर्मीहरुसँगको प्रतिक्रियामा न्यौपानेले सभामुख घिमिरेलाई बधाई दिँदै दलको सिंगो छायाँ सभामुखमा नपरोस् भनेर कामना गरेकी हुन् ।
उनले भनिन्, ‘निर्वाचनमा सांसद निर्वाचन हुँदै गर्दा कुनै पार्टीको रहन्छ । जब सभामुख निर्वाचित हुन्छ कुनै पार्टीको रहँदैन । सिंगो संसदको नेता हो । सरकारलाई संसदप्रति उतरदायी बनाउने कर्तव्य सभामुखको हो । संसदले पनि सरकारलाई सहयोग गर्ने वातावरणको सिर्जना गर्ने पनि समन्वयकारी भूमिका निभाउनुपर्ने हुन्छ ।,’उनले भनिन्, ‘तर हामीले २०७४ सालमा तितो अनुभव हामीले भोग्यौं । मलाई लागेको थियो म निर्वाचित भएर गए भने त्यो समन्वयकारी भूमिका खेल्न सक्छु । अंकगणितीय खेलले गर्दा मेरो पक्षमा आएन । मैले सभामुख देवराज घिमिरेलाई बधाई पनि दिए । मैले अपेक्षा गरेको दलको सिंगो छायाँ सभामुखमा नपरोस् । कुनै दल विशेषको सभामुख नभइदिनुस् । सिंगो संसदको अभिभावक भइदिनुस् ।मेरो शुभकामना छ।’
बिहीबार बसेको प्रतिनिधिसभाको बैठकमा नेकपा ९एमाले० का सांसद देवराज घिमिरेको पक्षमा १६७ मत परेको थियो । उनको विपक्षमा भने १०० मत परेको थियो ।
