काठमाडौं ।सरकारलाई बिश्वासको मत दिएका दलहरुको बैठक सुरु भएको छ ।
प्रधानमन्त्री पुष्पकमल दाहाल ‘प्रचण्ड’ले सरकारलाई बिश्वासको मत दिएका दलहरुको बैठक बोलाउनु भएको थियो । प्रधानमन्त्रीको सरकारी निवास बालुवाटारमा जारी बैठकमा माघ ५ गते हुने सभामुखको निर्वाचन लगायत बिषयमा छलफल भै रहेको जनाईएको छ ।
बैठकमा नेपाली कांग्रेस सभापति शेरबहादुर देउवा, वरिष्ठ नेता रामचन्द्र पौडेल, उपसभापति पूर्णबहादुर खड्का, संसदीय दलका मुख्य सचेतक रमेश लेखक सहभागी हुनु भएको छ । त्यसैगरी एमाले अध्यक्ष केपी शर्मा ओली, वरिष्ठ उपाध्यक्ष ईश्वर पोखरेल र महासचिव शंकर पोखरेल, राष्ट्रिय स्वतन्त्र पार्टीका अध्यक्ष एबंउपप्रधान एबं गृहमन्त्री रवि लामिछाने , राप्रपा अध्यक्ष एबं उपप्रधान तथा उर्जा मन्त्री राजेद्र लिङदेन नेकपा एकीकृत समाजवादीका अध्यक्ष माधव कुमार नेपाल बैठकमा सहभागी हुनु भएको छ ।
बैठकमा नेपाल समाजबादी पार्टीका अध्यक्ष डा बाबुराम भट्टराई,र सञ्चारमन्त्री रेखा शर्मा लगायतका नेताहरू सहभागी रहनु भएको छ ।
फोटो -प्रधानमन्त्रीको सचिवालय
