काठमाडौं । पहिलो संस्करणको नेपाल टी–२० लिगको च्याम्पियन बन्नका लागि लुम्बिनी अल स्टारले विराटनगर सुपर किंग्सलाई १ सय ३४ रनको लक्ष्य दिएको छ ।
किर्तिपुर टियु मैदानमा टस जितेर पहिले ब्याटिङ गरेको लुम्बिनीले १९।२ ओभरमा अलआउट भएर १ सय ३३ रन बनायो ।
लुम्बिनीका लागि लाहिरु मिलन्थाले २८ बलमा ४१ रन बनाए । यस्तै हरमित सिंहले ३० रन बनाउँदा कप्तान दीपेन्द्र सिंह ऐरी २० रनमा आउट भए । इशान पाण्डेले १८ रन बनाए भने अन्य ब्याटरले दोहोरो अंकमा रन बनाउन सकेनन् ।
विराटनगरका लागि बलिङ गरेका रान नानन र नन्दन यादवले समान दुई दुई विकेट लिए भने हुसेन तलत,कियोन जोशेफ,सुर्य तामाङ र कप्तान रोहित पौडेलले समान एक एक विकेट लिए ।
पहिलो क्वालिफायर र दोस्रो क्वालिफायर बिजयी रहेका लुम्बिनी र जनकपुर आज उपाधिका लागि खेल्न लागेका हुन् ।
यस लिगको समूह चरणमा विराटनगर र लुम्बिनीले एक आपसकाविरुद्ध खेलेका दुई खेलमा दुवै खेल लुम्बिनीले जितेको छ ।
यस लिगको विजेताले ५५ लाख पाउनेछ भने उपविजेताले ३० लाख नगद पुरस्कार प्राप्त गर्नेछ । यस्तै तेस्रो हुनले १० लाख र चौंथोले ५ लाख पाउने छ।
त्यस्तै प्लेयर अफ द सिरिजले ५ लाख प्राप्त प्राप्त गर्नेछ भने उत्कृष्ट बलर र उत्कृष्ट ब्याटरले २ लाख ५० हजार पाउने छन् । इमर्जिङ प्लेयरले १ लाख ८० हजार पाउने छ ।
