काठमाडौं । अखिल नेपाल फुटबल संघ (एन्फा) र ‘ए’ डिभिजन क्लबले सहिद स्मारक ‘ए’ डिभिजन लिग फुटबलको मिति तोक्न आज बिहीबार बैठक बस्दै छ ।
एन्फा र ‘ए’ डिभिजन क्लबबीचको बैठक एन्फा कम्प्लेक्समा दिउँसो १ बजेबाट सुरु हुनेछ ।
एन्फाले छलफलको लागि लिगको मिति तय गर्न शीर्ष डिभिजनको लिग खेल्ने १४ क्लबलाई बैठकमा डाकेको हो ।
गत हप्ता बसेको बैठकले आज लिगको मिति तय गर्न एन्फा र क्लब सहमत भएका थिए । यसअघि एन्फाले शीर्ष डिभिजनको लिग पुस २८ गतेबाट गर्ने निर्णय गरेको थियो ।
तर, क्लबहरुले तयारी खर्च नपाएको भन्दै तोकिएको मितिमा लिग खेल्ने अस्विकार गर्दै आएको छ । यस्तै क्लबले खेलाडी दर्ता समेत गरेको छैन ।
