काठमाडौं । नेपाली एथ्लेटिक्स खेलाडी सरस्वती चौधरी टोकियो ओलम्पिक २०२० को महिला १०० मिटर दौडको प्रारम्भिक चरणबाटै बाहिरिएकी छिन् । आज (शुक्रबार) बिहान भएको प्रारम्भिक चरणको हिटमा सरस्वती ९ खेलाडी मध्ये आठौं भएकी थिइन् । उनले १२.९१ सेकेण्डमा दूरी पूरा गरिन् ।
प्रारम्भिक चरणमा तीन हिटमध्ये नेपालकी सरस्वती हिट २ मा थिइन् ।
प्रारम्भिक चरणमा कूल २७ खेलाडीले प्रतिस्पर्धा गरेकोमा हरेक हिटको शीर्ष तीन र अर्को एक उत्कृष्ट समय हुने खेलाडी गरी १० जना महिला १०० मिटरको राउण्ड १ मा प्रवेश गरेका छन् ।
