काठमाडौं । मकवानपुरमा चुनाव हारेपछि राप्रपा नेपालका अध्यक्ष कमल थापाले आफ्नो हारले हिन्दू राष्ट्र र विकासको सपना अधुरो रहनसक्ने चिन्ता व्यक्त गरेका छन् ।
उनले चुनाव हारेर आफूले केही नगुमाएको तर, नेपाललाई हिन्दू राष्ट्र बनाउने सपना कमजोर बनेको भन्दै दुख व्यक्त गरेका हुन् ।
सामाजिक सञ्जालमा एक स्ट्याटस लेख्दै थापाले भनेका छन्, ‘नेपाललाई सर्वधर्म समभावसहितको हिन्दु राष्ट्र बनाउने सपना कमजोर भएकोमा दुखी छु’ ।
आफुले हेटौंडालाई बाग्मती प्रदेशको राजधानी बनाएको दाबि गर्दै थापाले यहाँका विकास योजनाहरु अधुरा रहने चिन्ता व्यक्त गरेका छन् । थापाले भनेका छन्, , ‘मैले हेटौंडालाई राजधानी त बनाएँ। तर,काठमाडौं जोड्ने सुरुङमार्ग,नयाँ औद्योगिक क्षेत्र,चक्रपथ बनाउने, हेटौंडा हस्पिटलको स्तरोन्नति गर्ने र विश्वविद्यालय स्थापना गर्ने सपना हारेकोमा भने चिन्ता छ।’
