काठमाडौँ । राष्ट्रिय प्रजातन्त्र पार्टी (राप्रपा) राष्ट्रिय पार्टी बन्ने निश्चित भएको छ । प्रतिनिधिसभाको समानुपातिकमा तीन लाख मत कटाएसँगै राप्रपा राष्ट्रिय पार्टी बन्ने निश्चित भएको हो ।
राष्ट्रिय पार्टी बन्न सदर मतको कम्तीमा तीन प्रतिशत मत ल्याउनुपर्ने प्रावधान छ । आधाभन्दा धेरै मतगणना हुन बाँकी रहँदा नै राप्रपाले ३ लाख मत कटाएको हो । समग्रमा पाँचौँ स्थानमा रहेको राप्रपाले ३ लाख ३ हजार ३१२ मत ल्याएको छ ।
नेकपा एमाले १२६५३४६ मतसहित शीर्ष स्थानमा छ भने दोस्रो स्थानको नेपाली कांग्रेसलाई ११९३३७९ मत प्राप्त भएको छ । यस्तै तेस्रो स्थानको राष्ट्रिय स्वतन्त्र पार्टीले ५८६५१८ मत ल्याउँदा चौथो स्थानको माओवादी केन्द्रले ५४५१९९ मत ल्याएको छ । यी पाँच पार्टीबाहेक अन्य राष्ट्रिय पार्टी बन्ने सम्भावना न्युन छ ।
२०७४ मा प्रत्यक्षतर्फ एक सिट मात्र जितेपनि तीन प्रतिशत मत नपाएको राप्रपा राष्ट्रिय पार्टी बन्न सकेको थिएन । अहिले मतगणना जारी छ ।
