काठमाडौं । नेकपा एमालेले प्रतिनिधिसभा तर्फको समानुपातिकतर्फ १० लाखभन्दा बढी मत पाएको छ ।
मतगणनाको पछिल्लो मतपरिणाम अनुसार एमालेले अहिलेसम्म १० लाख १७ हजार ६५६ मत प्राप्त गरेको निर्वाचन आयोगले बताएको छ ।
दोस्रो स्थानमा ९ लाख ७० हजार ८७७ मतसहित नेपाली कांग्रेस रहेको छ भने तेस्रोमा राष्ट्रिय स्वतन्त्र पार्टी रहेको छ । रास्वपाले ४ लाख ८४ हजार ८८६ मत पाएको छ ।
त्यस्तै, नेकपा माओवादी केन्द्र ४ लाख ४६ हजार ५९४ मतसहित चौथोमा रहेको छ भने राष्ट्रिय प्रजातन्त्र पार्टीले २ लाख ६० हजार १२० मत ल्याएको छ ।
त्यसैगरी, जनता समाजवादी पार्टीले १ लाख २९ हजार १५७ मत पाएको छ । जनमत पार्टीले ७७ हजार २५९ पायो भने नेकपा एकीकृत समाजवादी पार्टीले ७१ हजार ६६७ मत ल्याएको छ ।
