डडेल्धुरा । डडेल्धुरामा आज दिउँसो २ बजेबाट मतगणना सुरु हुने भएको छ ।
सर्वदलीय बैठक सकेर २ बजेपछि मतगणना सुरु हुने प्रमुख जिल्ला अधिकारी मोहनराज जोशीले जानकारी दिए ।
प्रतिनिधि सभामा प्रधानमन्त्री एवम् नेपाली कांग्रेसका सभापति शेरबहादुर देउवा उम्मेदवार छन् । त्यस्तै नेपाली कांग्रेस बीपीका वरिष्ठ उपाध्यक्ष कर्णबहादुर मल्ल, स्वतन्त्र उम्मेदवार सागर ढकाल, विक्रमबहादुर शाहीलगायत ८ जना उम्मेदवार रहेका छन् ।
डडेल्धुरामा प्रतिनिधि सभातर्फ एक र प्रदेश सभातर्फ दुई निर्वाचन क्षेत्र रहेको छ । यहाँ कुल ५६.६४ प्रतिशत मत खसेको मुख्य निर्वाचन अधिकृतले जानकारी दिए ।
