काठमाडौँ । मोरङको बुढीगंगामा मतदान केन्द्रभित्रै पटाका पड्काइएको छ । पटाका पड्केपछि सो मतदान केन्द्रमा मतदान स्थगित गरिएको छ ।
बुढीगंगा गाउँपालकिा–१ स्थित करैया दवीस्थान केन्द्रमा मतदान भइरहँदा पटका पड्काइएपछि स्थगित भएको हो । लाइनमा बसेर मतदाताले मतदान गरिरहेका थिए । सोहीबेला केन्द्रभित्रै विष्फोटको ठूलो आवाज आएको थियो ।
विष्फोटको आवाज आएपछि मतदाताबीच भागदैड मच्चिएको थियो । मतदाता बम विष्फोट गराइएको भन्दै त्रसित अवस्थामा भागेका थिए । अहिले त्यहाँ पुनः मतदान गराउने प्रयास भइरहेको छ ।
