काठमाडौं । आइसीसी टी–२० पुरुष विश्वकपको उपाधिका लागि पाकिस्तान र इंग्ल्यान्डले प्रतिस्पर्धा गर्दैछन् । अष्ट्रेलियाको मेलबर्न क्रिकेट मैदानमा जारी खेलमा पाकिस्तानले इंग्ल्यान्डलाई १३८ रनको विजयी लक्ष्य दिएको छ ।
टस हारेर पहिले ब्याटिङमा उत्रिएको पाकिस्तानले २० ओभरमा ८ विकेटको क्षतिमा १३७ रन जोड्यो ।
पाकिस्तानका लागि सान माशुदले २८ बलमा ३८, कप्तान बाबर आजमले २८ बलमा ३२ रन जोड्दा मोहम्मद रिजवानले १४ बलमा १५ रन जोडे । अन्य ब्याट्सम्यानले दोहोरो अंक जोड्न सकेनन् ।
इंग्ल्यान्डका लागि साम करनले ३, आदिल राशिद र क्रिस जोर्डनले २–२ तथा बेन स्टोक्सले १ विकेट लिए ।
