काठमाडौं । टोकियो ओलम्पिकमा पुरुष ११० मिटर हर्डल्सको उपाधि जमैकाका हान्से पार्चमेन्टले स्वर्ण पदक जिते । सो स्पर्धामा अमेरिकाका ग्रान्ट होलवेले रजत तथा जमैकाका रोनाल्ड लेभीले कांस्य पदक जिते । पुरुष सट पुटमा विश्व कीर्तिमान धारी अमेरिकी र्यान क्रुजरले स्वर्ण तथा अमेरिकाकै जोय कोभाकले रजत पदक जिते ।
सो स्पर्धामा न्युजील्यान्डका टोमास वाल्सले कांस्य पदक जिते । पुरुष ट्रिपल जम्पमा पोर्चुगलका पिचार्डो पेड्रोले स्वर्ण, चीनका झोउ यामलिङले रजत तथा बुर्कीना फासोका फब्राइस ह्युजले कांस्य दिक जिते । पुरुष कायाक २०० मिटरमा हंगेरीका सान्डोर टोक्टाले स्वर्ण,इटालीका रिजा मान्फ्रेडीले रजत तथा बेलायतका लियाम हेल्थले कांस्य पदक जिते । महिला क्यानोइ २०० मिटरमा अमेरिकाकी नेभिन ह्यारिसनले स्वर्ण,क्यानडाकी भिन्सेन्ट लापोन्टेले रजत तथा युक्रेनकी लुजान लुम्डीयाले कांस्य पदक जिते ।
महिला कायाक एकल ५०० मिटरमा न्युजील्यान्डकी लिसा कारिंगटनले स्वर्ण, हंगेरीकी टमारा सिप्सेसले रजत तथा डेनमार्ककी जोर्गेन अम्माले कांस्य पदक पाए । पुरुष कायाक डबल १००० मिटरमा अस्ट्रेलियाले स्वर्ण, जर्मनीले रजत तथा चेक गणतन्त्रले कांस्य पदक जिते ।
हक्कीमा बेल्जियम र अस्ट्रेलिया बिचको खेलको खेल बिहीबार नै हुने छ, पुरुष १० किलोमिटर म्याराथन पौडीमा जर्मनीका फ्लोरेन उलब्रेकले स्वर्ण,हंगेरीका क्रिस्टोफ रावोजसकीले रजत तथा इटालीका जर्जीयो पालाटोर्नीले कांस्य पदक जिते । स्केट बोर्डीङको पुरुष पार्कमा अस्ट्रेलियाका केगन पालमरले स्वर्ण,ब्राजिलका पेड्रो बारोसले रजत तथा अमेरिकाका कोरे जोनेले कांस्य पदक जिते ।
