काठमाडौँ । कालिकोटको तीलागुफा नगरपालिका–४ मा पहिरोमा परि बेपत्ता भएका १३ जनाको पहिचान खुलेको छ ।
तिलागुफा नगरपालिका–४ राँचुली गाउँबाट स्थानीय हेमराज शाहीको शव घाटमा लिएर मलामी गएका वडाअध्यक्षसहित १३ जना पहिरोमा बेपत्ता भएका हुन् ।
पहिरोमा परि बेपत्ता हुनेमा तिलागुफा नगरपालिका–४ का ४७ वर्षका कालीबहादुर शाही, ६३ वर्षका धनबहादुर शाही, ३६ वर्षका छत्रजंग शाही, २८ वर्षका खगेन्द्र शाही, २३ वर्षका भेषबहादुर शाही, ५५ वर्षका धना शाही, ७६ वर्षका अलि शाही, २३ वर्षका खेमराज शाही, ५७ वर्षका मानबहादुर शाही, ४१ वर्षका मोतिलाल शाही, ५६ वर्षका वडाअध्यक्ष परबहादुर शाही, २४ वर्षका नरेश शाही र २२ वर्षका प्रशान्त शाही रहेका छन् । यस घटनाले तिलागुफा नगरपालिका शोकमग्न भएको छ ।
