काठमाडौं । आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट एको सेमिफाइनलमा नेपाल र युएईबीचको खेल जारी छ ।
ओमानको अल अमेरात मैदानमा जारी खेलमा युएईले टस जितेर पहिले ब्याटिङ गरिरहेको छ ।
खेलमा नेपालले तीन विकेट लिएको छ ।
नेपालका लागि जितेन्द्र मुखियाले पहिलो विकेट लिएका हुन् । उनले युएईका चिराग सुरीलाई बोल्ड आउट गरे । सुरी ५ बलमा ४ रन बनाउँदै पेभिलियन फर्किए ।
यस्तै दोस्रो विकेट सन्दीप लामिछानेले लिएका हुन् । उत्कृष्ट लयमा रहेका युएईका भृत्य अरवीन्दलाई सन्दीपले आउट गराएका हुन् । अरवीन्दले २३ बलमा ४६ रन जोडे ।
नेपालका लागि तेस्रो विकेट अविनाश बोहराले लिए । उनले मुहम्मद उसमानको विकेट लिएका हुन् । उसमान २४ बलमा १७ रन जोड्दै आउट भए ।
यो समाचार तयार पार्दासम्म युएईले १६.३ ओभरमा ३ विकेटको क्षतिमा १३९ रन जोडेको छ ।