• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू

सत्यनिरुपण विधेयक: सहमति खोज्न कार्यदल गठन



काठमाडौँ । मानवअधिकार समितिको बैठकले सत्यनिरुपण तथा मेलमिलाप सम्बन्धी विधेयकमा सहमति खोज्न संसदको कार्यदल गठन गरेको छ ।

सात सदस्यीय कार्यदलमा नेकपा (एमाले) को बाट शेरबहादुर तामाङ र विमला विक, नेपाली कांग्रेसबाट मीन विश्वकर्मा र अतहरकमाल मुसलमान, नेकपा (माओवादी केन्द्र) बाट देव गुरुङ र वर्षमान पुन तथा लोकतान्त्रिक समाजवादी पार्टी (लोसपा) बाट लक्ष्मणलाल कर्ण सदस्य छन् ।

बुधबार दिउँसो कार्यदलको बैठक बस्नेछ । कार्यदललाई आजै बस्ने अपराह्न ४ बजे बस्ने बैठकमा मस्यौदामा सहमति जुटाउन मुख्य जिम्मेवारी दिइएको जनाइएको छ ।

समितिको आज बस्ने पूर्ण बैठकबाट सो विधेयक पारित गरेर आजै प्रतिनिधिसभामा विधेयकको प्रतिवेदन पेश गर्ने सरकार र सत्तारुढ दलहरुले तयारी गरेका छन् । यद्यपि केही प्रावधानमा दलहरुबीच सहमति जुट्न सकेको छैन ।

एमालेले विधेयकमा उल्लेख गरिएको द्वन्द्वकालीन समयका घटनाका हत्यालाई गम्भीर मानव अधिकार उल्लंघनभित्र राखेर परिभाषित गर्नुपर्ने अडान राखेको छ ।

सो अडानमा निकास खोज्न हत्याको प्रकृतिलाई वर्गीकरण गर्ने प्रस्ताव केही दलले राखेका छन् । माओवादी केन्द्रका अध्यक्ष पुष्पकमल दाहाल प्रचण्ड सोही मध्यमार्गी प्रस्तावउपरको छलफलमा भाग लिन पहिलोपटक मानव अधिकार समितिको बैठकमा सहभागी हुनुभएको थियो ।